A edición do Barbanza de La Voz de Galicia publicou unha información de Moncho Ares sobre a presentación de Poñente, de Pere Tobaruela, en Rianxo. Torabuela explota o nexo histórico entre Cataluña e Barbanza A Asociación Cultural Barbantia adoita empezar o ano con forza. Normalmente fai coincidir a súa asemblea xeral cun encontro potente, e o de antonte non foi unha excepción.
O escritor Miro Villar publica unha recensión do libro Cartas de republicanos galegos condenados a morte (1936-1948) de Xesús Alonso Montero, no último número da revista Festa da palabra silenciada, recensión que tamen pode lerse no seu blog.
O Diario Cultural da Radio Galega realizoulle unha entrevista a Luís Rei Núñez sobre o seu libro Cita en Fisterra. A entrevista pode escoitarse aquí.
O blog Trafegando ronseis publica unha anotación sobre A pomba dona Paz, de Ramón Caride, ilustrado por Pepe Carreiro. O libro será presentado hoxe luns 30 de xaneiro, Día Escolar pola Paz, ás 12 horas na Escola Infantil A Pastora de Cambados.
O venres, 3 de febreiro, ás 20:30 horas , no Liceo de Betanzos, terá lugar a presentación do libro Como defenderes os teus dereitos lingüísticos de Carlos Callón. O acto está organizado pola Asociación Roxín Roxal e Eiravella coa colaboración da Deputación da Coruña.
O blog Tragefando Ronseis publica unha anotación de Gracia Santorum sobre Memorias dun raposo, de Antonio Reigosa. Memorias dun raposo Despois de recibir un tremendo paquete, a miña primeira lectura foi para Memorias dun raposo, con ilustracións de Manolo Uhía, publicado pola editorial Xerais. O autor, claro, Antonio Reigosa: o “enviador”.
O Diario da Universidade de Vigo publicou unha información de Jesica Fernández sobre o Premio 2011 de relato, poesía e tradución da Universidade de Vigo. Un libro recolle a creatividade literaria do certame de relato curto, poesía e tradución Jessica Fdez.
Francisco Martínez Bouzas publica no suplemento Faro da Cultura, de Faro de Vigo, unha recensión crítica de Historias de Oregón, de Diego Ameixeiras, Premio La Voz de Galicia de Novela por Entregas. Friso expresionista Oregón, Ourense Narrador solvente, Diego Ameixeiras afronta con éxito unha incursión no xénero folletinesco que ten que ver case que sempre coa novela negra.
A edición compostelá de La Voz de Galicia publica unha información sobre Luís Soto. A xeira pola unidade galega, de Xurxo Martínez González. «A figura de Luís Soto foi clave no nacionalismo marxista» No xantar da Rocha (1964) foi un dos creadores da Unión do Pobo Galego (UPG), o miolo do nacionalismo galego artellado arredor do Bloque Nacionalista Galego (BNG).
O blog da Biblioteca Secundaria do Colexio San Narciso publicou unha información sobre a visita ao centro de Elena Gallego Abad para falar do seu libro Dragal. A herdanza do dragón.
Trafegando Ronseis publica unha anotación de Gracia Santorum sobre Ninguén, de Fran Alonso. Ninguén Xa a nosa colaboradora Rosa recomendara este libro, pero non quero deixar pasar a ocasión de facelo eu tamén. Tiven a oportunidade de ler Ninguén de Fran Alonso, publicado pola editorial Xerais, co club de lectura virtual Falemos de lecturas este mes que me correspondía a coordinación.
Disquecool, o medio de tendencias made in Galicia, publicou unha reportaxe de Cris sobre o Diario Secreto de Adrian Mole, de Sue Townsend. Adrian Mole: toda unha vida Escrito por Cris Se hai un formato recorrente nos libros para adolescentes é o de diario.