Xosé Carlos Caneiro escribiu no seu artigo de La Voz de Galicia sobre a novela A galera de Xelmírez, de de Xabier Paz. (…) E outra novela fantástica, espléndida, que debe ler calquera lector ávido da nosa historia, e máis dese personaxe fulcral dentro da mesma: Xelmírez. A galera de Xelmírez é unha pequena alfaia que nos regala un dos narradores galegos polos que sinto maior aprezo. Nunca fallou.
O libro Marcas, co subítulo «Signo, comunicación e consumo na era da simulación», de Xavier Navaza, é unha das novidades para esta tempada na colección LibroX.
Lorena Domínguez Mallo publicou en LG3, o soportal da literatura do Consello da Cultura Galega, unha recensión crítica sobre Un animal chamado néboa, de Ledicia Costas. De beleza e barbarie No escenario da II Guerra Mundial tiveron lugar episodios tan estarrecedores e crueis que algúns deles resultan imposibles de dixerir.
Muros de aire, de An Alfaya, é unha novidade da colección Narrativa de Xerais. Cora e Fidel manteñen unha relación afectiva chea de espazos grises e comparten a dirección dun gabinete sociolóxico. Reciben un encargo dunha institución académica que ten como obxectivo elaborar un estudo arredor dunha mostra de persoas unidas por un nexo común: o suicido con tendencias criminais.
Os xornais La Opinión e Faro de Vigo publican unha reportaxe de E. Ocampo sobre a información que publicaron os xornais británicos The Times e The Morning Post hai 95 anos con motivo da entrada do escritor galego na Real Academia Galega. Precisamente estes días está a chegar ás librarías o libro Ramón Cabanillas, Cambados e o mar de Arousa, de Francisco Fernández Rei. A reportaxe pode lerse ou descargarse nesta ligazón.
Ramón Nicolás publicou en La Voz de Galicia unha recensión crítica sobre o libro de poemas A boca da terra, de Manuel Rivas.
Vento e chuvia. Mitoloxía da Antiga Gallaecia, de Manuel Gago, ilustrado por Manel Cráneo, en edición de campo e reeditado na colección LibroX, é unha das novidades desta tempada. Nun territorio extenso, misterioso e brutal no que aínda hoxe vivimos, os deuses conviviron cos homes, beberon da súa cervexa, participaron das súas batallas, exiliáronse nos seus montes.
El Correo Gallego publicou unha recensión crítica de Isabel Mociño sobre sobre Dragal IV, A estirpe do Dragón e toda a serie Dragal. A recensión crítica pode lerse ou descargarse en pdf nesta ligazón.