Difundimos as bases do VI Premio de poesía Gonzalo López Abente, que publica Xerais. O prazo de presentación de orixinais estará aberto ata o próximo día 24 de maio de 2019. As bases poden lerse ou descargarse en formato pdf. nesta ligazón.
O programa ZigZag Fin de Semana da TVG, que presenta María Solar, emitiu unha entrevista con Anaír Rodríguez e Abi Castillo, autora e ilustradora, respectivamente, do libro: Pioneiras 2. Galegas que abriron camiño. O libro está publicado por Xerais na colección Pequeno Merlín. A entrevista pode verse nesta ligazón.
O xornal Praza Pública publicou unha entrevista de Montse Dopico á escritora Noelia Gómez sobre o libro: O xiro. (Imaxe: Carlos Rei – Praza Pública).
O programa Hoy por Hoy A Coruña, da cadena Ser, emitiu unha entrevista coa escritora Beatriz Maceda sobre o libro: Lúa en ningures, ilustrado por Laura Veleiro. O libro está publicado por Xerais na colección Merlín. A entrevista pode escoitarse nesta ligazón.
O suplemento Faro da Cultura, do Faro de Vigo, publicou unha entrevista de Lourdes Varela ao escritor Estro Montaña sobre o libro: Un conto siciliano e outras historias. O libro está publicado por Xerais na colección Narrativa. O artigo pode lerse ou descargarse en formato PDF nesta ligazón.
A OEPLI e as súas seccións territoriais: Consejo, ClijCat, Galtzagorri e Gálix, en colaboración co Ministerio de Educación, Cultura e Deporte, edita o catálogo LITERATURA INFANTIL E XUVENIL ESPAÑOLA. Selección OEPLI 2018. Un libro/catálogo coa selección bibliográfica dos mellores libros infantís e xuvenís de escritores e ilustradores españois publicados ao longo do ano pasado.
O mércores 27 de marzo de 2019, ás 20 horas, na Sala de conferencias da Vicerreitoría do Campus de Pontevedra, Casa das Campás, rúa de Don Filiberto, 9-11, Pontevedra, terá lugar a presentación do libro Unha nación no mundo. A razón resistente (1480-2010) de Camilo Nogueira. No acto, organizado en colaboración co Ateneo de Pontevedra, acompañarán ao autor Xaime Toxo e Manuel Bragado.
O blog O meu andel publicou unha recensión crítica de Manrique Fernández sobre o libro Relatos para televisión, de Xabier Cordal. O libro está publicado por Xerais na colección Narrativa. Xabier Cordal, «Relatos para televisión» Xabier Cordal é unha figura que, con máis de 25 anos de traxectoria literaria e só media ducia de títulos de poesía, achou un oco entre o máis selecto do noso Parnaso particular.
O suplemento Faro da Cultura, do Faro de Vigo, publicou unha anotación de María Navarro sobre o libro: Orestes perde o sentido!, de Rosa Aneiros, ilustrado por Kiko Da Silva. O libro está publicado por Xerais na colección Sopa de Libros. O artigo pode lerse ou descargarse en formato PDF nesta ligazón.
O programa ZigZag Diario da TVG emitiu unha entrevista co escritor Estro Montaña sobre o libro: Un conto siciliano e outras historias. O libro está publicado por Xerais na colección Narrativa. A entrevista pode verse nesta ligazón, a partir do minuto 08:27.
O crítico Armando Requeixo interviu no programa Diario Cultural da Radio Galega para facer unha crítica do libro: Se isto é un home, de Primo Levi, traducido por Xoán Manuel Garrido Vilariño. O libro está publicado por Xerais na colección: Narrativa. A súa intervención pode escoitarse nesta ligazón.
O xornal Diario de Pontevedra publicou unha entrevista de Belén López á escritora Fina Casalderrey sobre o libro: A furgoneta branca, ilustrado por Lucía Cobo. O libro está publicado por Xerais na colección Pequeno Merlín. O artigo pode lerse ou descargarse en formato PDF nesta ligazón.