A revista Weloversize publicou unha reportaxe asinada por Beatriz Romero sobre a novela negra viguesa, con mención ao libro: Sete Caveiras, de Elena Gallego Abad, publicado por Xerais na colección: Narrativa. Cuarto y mitad de novela negra viguesa Antes de nada: sí, soy viguesa y sí, estoy haciendo un ejercicio de chovinismo brutal nivel Abel Caballero (¡je!).
Montse Pena Presas interviu no programa Diario Cultural da Radio Galega para facer unha crítica do libro: Tres bichicomas, dúas illas e unha serea, de Rosa Aneiros, con ilustracións de Abi Castillo, publicado por Xerais na colección: Merlín. O libro gañou o Premio Agustín Fernández Paz de Narrativa Infantil e Xuvenil pola Igualdade 2018. A súa intervención pode escoitarse nesta ligazón, a partir do minuto 21´.
O xornal Nós Diario publicou unha anotación sobre o falecemento do debuxante francés Albert Uderzo, creador xunto ao guionista René Goscinny das aventuras de Astérix. Dende o ano 2013, Xerais edita os cómics de Astérix en galego.
Dende Xerais expresamos o noso pesar polo falecemento do escritor, académico e avogado Xosé Luis Franco Grande, unha das figuras máis relevantes do galeguismo que viviu os anos escuros. “A terra enteira esperta pouco a pouco. / A terra está preñada / e leva dentro un froito que lle pesa. / E todo esperta a eito…” Entre o si e o non de X. L.
O blog de Gálix, a Asociación Galega do Libro Infantil e Xuvenil, publicou na súa sección: Este libro encantoume, correspondente ao mes de marzo de 2020, unha reseña do libro: Os corpos invisibles, de Emma Pedreira, publicado por Xerais na colección Fóra de Xogo. O libro gañou o Premio Jules Verne de Literatura Xuvenil, 2019 – Premio Fervenzas Literarias ao Mellor Libro Xuvenil do 2019.
O blog Lecturafilia publicou unha recensión de Tensi Gesteira sobre o libro dente de leite, de Arancha Nogueira. O libro gañou o XXII Premio Johán Carballeira de Poesía do Concello de Bueu, e está publicado por Xerais na colección Poesía. dente de leite, de Arancha Nogueira(Xerais) Escribir sobre una nai paréceme unha tarefa, cando menos, difícil.
Os responsables da libraría Couceiro, dentro das súas recomendacións semanais en CorreoTV, animaron á lectura do libro: Veleno de tinta impresa, de Xosé Antonio Neira Cruz, publicado por Xerais na colección Narrativa. O libro gañou o Premio Ánxel Fole de Narración Curta do Concello de Lugo, 2019. A recomendación pode verse nesta ligazón.
O escritor e crítico literario Ramón Nicolás publicou no seu blog Caderno da Crítica, e no suplemento Fugas de La Voz de Galicia, unha anotación sobre o libro: Un lume azul, de Pedro Feijoo, publicado por Xerais na colección Narrativa. Un lume azul, de Pedro Feijoo O medo adóitase definir como esa inquedanza que se experimenta diante dun perigo, presentido, real ou imaxinado e que por veces se converte en horror.
A fin de facilitar algunhas lecturas en galego que abran portas nestes días complicados, Xerais pon a disposición das familias e do profesorado catro títulos de literatura infantil e xuvenil (un por idade). Son catro atractivos títulos que lles ofrecemos ás lectoras e lectores e aos que se pode acceder en rede a través da plataforma ISSU.
Formigas nos pés, de Nazaret López, protagonizou un novo encontro do clube de lectura de Radio Fene Radiofusión, no que participaron Henrique Sanfiz, Esther Val, Tatty Lavandeira e Andrés C.M. Riveira, ademais da autora. O libro está publicado por Xerais na colección Narrativa. A peza pode escoitarse ou descargarse nesta ligazón.
O crítico Vicente Araguas publicou nos xornais Diario de Ferrol, Diario de Arousa, El Ideal Gallego e Diario de Bergantiños unha anotación sobre o libro: Carvalho Calero, vida e obra dun ser polifacético, de Henrique Dacosta, publicado por Xerais na colección LibroX. A crítica pode lerse ou descargarse en formato PDF nesta ligazón.
Alba Cid interviu no programa Diario Cultural da Radio Galega para facer unha crítica do libro: Birimbao. Poemas de mí para ti 1937-1939, de Celso Emilio Ferreiro, publicado por Xerais na colección Xerais Clásicos. A súa intervención pode escoitarse nesta ligazón. A partir do minuto 19.