Menu Xerais

Arquivo mensual: Xuño 2020

Eduard Velasco: «Lembro querer escribir dende sempre» Entrevista no blog «Palabra de Gatsby» sobre: «Os días felices de Benvido Seixas» e «Palabras de Opotón O Vello»

O blog Palabra de Gatsby publicou unha entrevista de David González Domínguez ao escritor Eduard Velasco sobre os libros: Os días felices de Benvido Seixas e Palabras de Opotón O Vello, publicados por Xerais na colección Narrativa.

Nitroglicerina emocional: «Cadencias», de Manuel Portas. Anotación de Armando Requeixo no «Faro de Vigo»

O suplemento Faro da Cultura, do xornal Faro de Vigo, publicou unha anotación de Armando Requeixo sobre o libro: Cadencias, de Manuel Portas, publicado por Xerais na colección: Milmanda. A crítica pode lerse ou descargarse en formato PDF nesta ligazón.

Nova xeración na banda deseñada: «A proba de auga», de Anémona de Río. Reportaxe no xornal «Atlántico Diario»

O xornal Atlántico Diario publicou unha reportaxe asinada por Ana Baena sobre a nova xeración na banda deseñada, con mención ao cómic: A proba de auga, de Anémona de Río, publicado por Xerais na colección Merlín. O libro gañou o I Premio de Banda Deseñada O Garaxe Hermético. O artigo pode lerse ou descargarse en formato pdf nesta ligazón.

Os amores frustrados: «O que non sabías», de Elba Pedrosa. Crítica no blog Ferradura en Tránsito

O crítico Xosé Manuel Eyré publicou no seu blog Ferradura en Tránsito unha recensión sobre o libro O que non sabías, de Elba Pedrosa, publicado por Xerais na colección Narrativa.

Un libro idóneo para todas aquelas persoas que desexen saber máis da nosa terra, cultura, idioma, historia e xentes: «Galicia contada aos non galeguistas», de Manuel Veiga Taboada. Anotación de Armando Requeixo

O xornal El Ideal Gallego publicou unha anotación de Armando Requeixo sobre o libro: Galicia contada aos non galeguistas, de Manuel Veiga Taboada, publicado por Xerais na colección Ensaio. O artigo pode lerse ou descargarse en formato pdf nesta ligazón.

«Vampira de biblioteca», de Ledicia Costas e Víctor Rivas, recomendación de lectura da Libraría Couceiro

Os responsables da libraría Couceiro, dentro das súas recomendacións semanais en CorreoTV, animaron á lectura do libro: Vampira de biblioteca, de Ledicia Costas, con ilustracións de Víctor Rivas, publicado por Xerais na colección Merlín. A recomendación pode verse nesta ligazón.

María Reimóndez gaña o I Premio Literario Pinto e Maragota pola Diversidade

María Reimóndez foi a autora galardonada co I Premio Literario Pinto e Maragota pola Diversidade, convocado polo Concello de Pontevedra en colaboración con Edicións Xerais de Galicia coa obra titulada Cobiza, unha novela distópica do xénero de ciencia ficción da que o xurado destacou “a súa altísima calidade literaria e a novidosa e revolucionaria reflexión sobre a construción do sexo e xénero, as identidades e as orientac

Manuel Esteban: «Este libro fala do perdón a un mesmo, que é un perdón complicado, porque normalmente queda debaixo da culpa». Entrevista en «Cíes Podcast» sobre: «A vinganza dos homes bos»

Cíes Podcast emitiu unha entrevista co escritor Manuel Esteban sobre o libro: A vinganza dos homes bos, publicado por Xerais na colección: Narrativa. A súa intervención pode escoitarse nesta ligazón, a partir do minuto 25″.

Novidade: «Tecermos redes, crearmos comunidade», de Ánxela Lema e Andrea Nunes. Un monográfico que quere reflectir a riqueza literaria da escritora María Reimóndez

Tecermos redes, crearmos comunidade, de Ánxela Lema e Andrea Nunes, é unha novidade da colección Manuais de Xerais. “Tecermos redes, crearmos comunidade. Estudos sobre a obra de María Reimóndez” é un monográfico que contén un conxunto de estudos cuxa vontade é a de reflectir a riqueza literaria dunha das maiores escritoras con que conta hoxe en día o sistema literario galego.

Novidade: «O mundo máxico de Lía», de Eduardo Santiago. Lía e Glok, un trasno imaxinario, emprenden unha aventura fantástica por un mundo máxico, soterrado baixo a cidade de Pontevedra

O mundo máxico de Lía, de Eduardo Santiago, con ilustracións de Marcos Calo, é unha novidade da colección Merlín de Xerais. Lía ten dez anos e a súa nai cre que é moi madura para a súa idade. Claro que o resto da xente pensa todo o contrario, sobre todo o pai, que se burla dela porque se nega a falar. Unha noite, Lía foxe da casa e agóchase detrás duns arbustos esquivando a persecución do seu pai.

Novidade: «Cando soa a buguina», de X. H. Rivadulla. A historia dunha nena chamada Carme e do son dunha buguina que trae do mar a voz do seu pai

Cando soa a buguina, de X. H. Rivadulla Corcón, con ilustracións de Viki Berre, é unha novidade da colección Merlín de Xerais. Para Carme, o son da buguina trae do mar a voz do seu pai. Carme ten oito anos e vive en Muxía coa súa familia. O seu pai é mariñeiro e todas as tardes cando regresa do mar xoga con ela. Pero unha tarde o pai de Carme non volve. O seu barco perdeuse no mar.

Novidade: «Campións do mundo», de El Hematocrítico. Un descoñecido interrompe a diversión do grupo «Lendas do recreo» asegurando ser o campión do mundo dese xogo

Campións do mundo, de El Hematocrítico, con ilustracións de Albert Monteys, é unha novidade da colección Merlín – Cómics de Xerais. Os compoñentes de «Lendas do recreo» pasan un tempo entretido xogando ás escondidas. Non esperaban que un descoñecido interrompese a súa diversión asegurando que é o campión do mundo deste xogo.