Menu Xerais

Compartir soños é posible: «As pombas de Bastián», de María Canosa e Noemí López. Crítica en Trafegando Ronseis

O blog Trafegando Ronseis publicou unha anotación sobre o libro: As pombas de Bastiánde María Canosa, con ilustracións de Noemí López, publicado por Xerais na colección: Merlín.

 

As pombas de Bastián, de María Canosa e Noemí López

 

María Canosa escribe con extrema sensibilidade As pombas de Bastián, publicado por Xerais con ilustracións de Noemí López.

Falamos de sensibilidade, porque Minia, a nosa protagonista, non queda na aparencia e sabe que hai que ir máis alá, que as persoas teñen unha face oculta e non son o que semellan, ou o que a sociedade ve nelas, tan só polo xeito de vestir ou vivir. Por iso, convida ao respecto cara ao diferente. Algo que semella cada vez máis preciso nesta nosa sociedade na que estamos a contemplar indiferentes como ás veces involucionamos para non respectarmos aquilo que por “cortesía social” pode resultar estraño. Tan só se trata de iso: de respectar o diferente. Ollando doutro modo ao que estamos acostumadxs e agardando. Hai un dito que di que “hai que hibernaar a xente para coñecela”; pois si, non nos quedemos en primeiras impresións nin do outro lado da barreira.

Compartir soños é posible.

Comentarios pechados