Os socios e socias da AELG xa escolleron os finalistas aos premios á mellor obra publicada no 2014 nas modalidades de ensaio, poesía, narrativa, tradución, teatro, blog literario, literatura infanto-xuvenil e traxectoria xornalística. Nestes dous últimos casos tamén participaron na elección os asociados/as da Asociación Galega do Libro Infantil e Xuvenil (GÁLIX) e os membros do Colexio Profesional de Xornalistas de Galicia respectivamente.

As obras gañadoras daranse a coñecer na Gala das Letras, que terá lugar o sábado 9 de maio no Círculo de las Artes do Concello de Lugo.

Os libros publicados por Xerais que resultaron finalistas son os seguintes:

Literatura Infantil e xuvenil

• Escarlatina, a cociñeira defunta, de Ledicia Costas
• Penúltimas tendencias, de Carlos Negro

Narrativa

• 55, de xavier_queipo
• A viaxe de Gagarin, de Agustín Fernández Paz
• Dende o conflito, de María Reimóndez
• Zapatillas rotas, de Xabier Quiroga.
  

Poesía

• dun lago escuro, de Marta Dacosta