Menu Xerais

Novidade: «Cancións para Ana Lúa», de Xavier Seoane e Correa Corredoira: Un fermoso canto poético á infancia

Cancións para Ana Lúa, de Xavier Seoane, con ilustracións de Xavier Correa Corredoira, é unha novidade da colección Merlín de Xerais.

Hai quen oíu cantar o cervo. E sentiu o paso do unicornio. E viu saír a lúa do pozo. E coñeceu a existencia dos trevos de sete follas. Destas e moitas outras cousas fala este fermoso canto poético á infancia. Se a poesía é irmá da música, estes poemas, de ritmo tan marcado, son un cántico á maxia, á fantasía e á imaxinación dos nenos e nenas.

Escritos polo poeta e escritor Xavier Seoane, están magnificamente ilustrados por un dos máis recoñecidos artistas galegos do noso tempo, Xavier Correa Corredoira, que soubo traducir os poemas en imaxes de alta creatividade, beleza e lirismo.

Comentarios pechados