Menu Xerais

O cómic como ferramenta informativa que achega unha parte da historia de Galicia non moi coñecida: «Wolfram», de Alberto Varela Ferreiro. Recomendación do blog «Rede Lectura»

Rede lectura, o blog da Asesoría de Bibliotecas Escolares, recomenda o libro: Wolfram, de Alberto Varela Ferreiro, publicado por Xerais na colección: Cómics.

 

«Wolfram», de Alberto Varela Ferreiro

A editorial Xerais vén de publicar a última obra de Alberto Varela FerreiroWolfram. Espías, nazis e maquis.

O cómic como ferramenta informativa que achega unha parte da historia de Galicia non moi coñecida, o acontecido durante a segunda Guerra Mundial coa presenza dos nazis no noso país.

Un fermoso percorrido visual polas cidades, vilas e aldeas galegas dos anos 40 do pasado século. Unha pequena obra enriquecida cun coidado glosario, mapas e bibliografía. Unha oportunidade para crear unha constelación literaria coas obras publicadas en galego, con esta temática, nestes últimos anos.

Unha lectura que convida a explorar, investigar… seguindo o lema deste curso “Xeografías lectoras na biblioteca escolar”

Comentarios pechados