Vicente Araguas publicou en El Correo Gallego un artigo sobre dous libros e autores relacionados: Luz de Tebra, de Ánxel Vázquez de la Cruz, e Todo é silencio, de Manuel Rivas. Dous autores que me prestan Dicíame un amigo escritor o pouco doado que é no mundiño literario atopar autores dispostos a falar ben dos colegas. A facelo sen reservas, que coa boca pequena calquera o fai.
Rubén Eyré publicou un artigo de opinión sobre Luz de Tebra, de Ánxel Vázquez de la Cruz, en La Voz de Galicia. Ao amparo das robustas pólas desta devesa, rematei o libro Luz de Tebra. Trátase dunha ducia de suxestivos relatos cuxo autor é Ánxel Vázquez de la Cruz, médico de profesión. A obra publicouna Edicións Xerais, ten prólogo de Manuel Rivas e está apadriñada por Eduardo Galeano.
Ánxel Vázquez de la Cruz presentou Luz de Tebra en Ribeira da man de Barbantia. Reproducimos a información de Moncho Ares en La Voz de Galicia: O suplemento A Voz de Barbantia é como o curso escolar: cada tempada empeza en setembro e remata en xuño.
O Nadal trouxo a recomendación de lectura de varios libros de Xerais. Entre eles, nas páxinas de La Voz de Galicia, recomendouse a lectura de O coitelo en Novembro, de Marilar Aleixandre, recensionado por Ana Abelenda, así como de Luz de Tebra, de Ánxel Vázquez de la Cruz, recensionada por Sandra Faginas.
O crítico Ramón Nicolás publica no seu blog, Caderno da crítica, unha recensión sobre Luz de Tebra, de Ánxel Vázquez de la Cruz. Reproducímola integramente: Lin este pasado verán, animado polas palabras entusiastas dun amigo, Luz de tebra.
Vicente Araguas publicou onte domingo en El Ideal Gallego unha recensión crítica sobre Luz de Tebra, a novela do médico Ánxel Vázquez de la Cruz que Xerais acaba de reeditar. Reproducimos unha parágrafo da recensión: «Porque en Vázquez de la Cruz hai un escritor (que ademais é médico). E non un médico ao que lle dera por escribir un, polo demais, gustoso anecdotario, que mesmo insire o chiste da pescada e o seu virgo.
O vindeiro venres, 19 de novembro, ás 20,00 horas na na Sala de Tertulia do Liceo de Ourense (Rúa Lamas Carvajal 5), presentarase Luz de Tebra, o primeiro libro de relatos de Ánxel Vázquez de la Cruz. Acompañarán ao autor Javier Casares e o editor Manuel Bragado.
Manuel Sánchez Salorio publicou no suplemento Culturas de La Voz de Galicia unha longa recensión crítica sobre Luz de Tebra, a novela de Ánxel Vázquez de la Cruz que está a sorprender notablemente no ámbito da crítica literaria. A recensión pode lerse íntegra en pdf. Resaltamos algúns parágrafos: E ¿quen é Ánxel Vázquez de la Cruz? Pois é un tipo que anda por aí levando sempre nos beizos unha historia que contar.
A Nosa Terra publica hoxe a crítica sobre Luz de Tebra, do médico e escritor Ánxel Vázquez de la Cruz, que Xosé Manuel Eyré dera a coñecer a través do seu blog. Nela fala do libro de Vázquez de la Cruz como o descubrimento literario do ano. A crítica pode lerse na sección de libros de A Nosa Terra.
A Libreira (Rúa Luís Seoane 2, O Temple) organiza para o próximo sábado 13 de novembro un Vermú Literaraio en torno ao libro Luz de Tebra, de Ánxel Vázquez de la Cruz. Durante o acto, que terá lugar sobre a unha e media da tarde, haberá un encontro co autor para celebrar a saída da segunda edición do libro. En palabras da Libreira, «estaremos encantados de compartir con vós, para apoiar e complacernos na narrativa galega.
As últimas novidades publicadas por Xerais en Narrativa están tendo unha boa acollida por parte dos lectores e lectoras e, de feito, entraron xa na súa segunda edición as novelas Denso recendo a salgado, de Manuel Portas; O Cabo do Mundo, de Xabier Quiroga; e Asasinato no Consello Nacional, de Diego Ameixeiras; así como o libro de relatos Luz de Tebra, de Ánxel Vázquez de la Cruz.
O vindeiro xoves 11 de novembro, ás 20,00 horas na Aula Castelao da Facultade de Medicina e Ondontoloxía da USC, presentarase Luz de Tebra, o libro de relatos de Ánxel Vázquez de la Cruz. Acompañarán ao autor Xosé María Fraga, Manuel Sánchez Salorio, Dolores Vilavedra e o editor Manuel Bragado.