O mércores, 1 de agosto, ás 20:00 horas, Manuel Rivas realizará unha lectura de fragmentos da súa obra: un conto inédito de O máis estraño, un capítulo de Todo é silencio e inéditos do libro de próxima aparición en Xerais titulado As voces baixas. Ao remate da lectura, Manuel Rivas asinará exemplares da súa obra.
O escritor galego Manuel Rivas falou de literatura na televisión irlandesa con motivo da súa participación no Festival Cúirt de Galway a finais de abril. Durante o festival, Rivas, xunto co escritor vasco Kirmen Uribe, mantivo unha conversa co seu tradutor, Jonathan Dunne, sobre literatura e identidade.
Redelibros publicou o vídeo da conversa do xornalista Manuel Jabois con Manuel Rivas e José Luis Cuerda. O escritor Manuel Rivas e o cineasta José Luis Cuerda falan co xornalista pontevedrés Manuel Jabois dos camiños de ida e volta que unen a literatura e o cine, a partir das súas experiencias con “A lingua das bolboretas” e “Todo é silencio”, a última novela de Rivas que Cuerda está rodando en Galicia.
O crítico Xosé Manuel Eyré publica un post no que escolle as que, ao seu xuízo, son as 10 mellores novelas de 2010. Reproducimos aquí as que corresponden a Xerais. O listado enteiro pode consultarse no seu blog. 1. O coitelo en novembro, Marilar Aleixandre 3. Periferia , Iolanda Zúñiga 4. Todo é silencio, Manuel Rivas 6. Denso recendo a salgado, Manuel Portas 10.
Os actores da película que dirixe José Luis Cuerda a partir da novela Todo é silencio, de Manuel Rivas, agradecéronlle onte ao escritor, na presentación pública da longametraxe, que tivo lugar en Oza dos Ríos, que crease os personaxes da novela, que «son un agasallo».
El País publicaba o sábado unha reportaxe de José Luis Estévez sobre o íntimo lugar que escolle Manuel Rivas para escribir.
Alicia G. Arribas publica unha información no Galicia Hoxe sobre a rodaxe, en Carnota, de Todo é silencio, a película de Cuerda baseada na novela de Manuel Rivas.
Onte comezou en Galicia, a rodaxe da nova película de José Luis Cuerda, Todo é silencio, baseada na novela de Manuel Rivas. A longametraxe, como a novela, relata como un grupo de novos amigos descobre o segredo de Noitía, o contrabando, e admira ao grande capo, Mariscal. A lei é non ver nin oír. A boca é para calar. O vello poder esténdese co narcotráfico e envelénao todo. O destino dos mozos enfróntase con violencia.
O xornal asturiano El Comercio publicou unha entrevista con Manuel Rivas sobre a súa novela Todo é silencio. Na entrevista, que se pode descargar en dous pdf desde aquí e aquí, o escritor declara que «o verdadeiro produto tóxico é o poder, o control e a corrosión social que minan os valores cívicos».
Nunha semana comezará a rodaxe da película Todo é silencio, baseada na novela de Manuel Rivas, que será dirixida por José Luis Cuerda. Diversos medios, como Xornal de Galicia e Galicia Hoxe informan deste feito. A cinta está protagonizada por Quim Gutiérrez, Miguel Ángel Silvestre, Celia Freijeiro, Juan Diego e Xoque Carvajal.
Hoxe na Feira do Libro da Coruña os actos de Xerais estarán protagonizados por Manuel Rivas que presentará a súa novela Todo é silencio e por Carlos Callón o seu libro máis recente Como defenderes os teus dereitos lingúísticos. No serán do venres, día 5, Federico Cocho presentará o seu libro Guerra Civil. Que pasou en Galicia e en España, publicado na colección Crónica.
Hoxe na Feira do Libro da Coruña o acto de Xerais estará protagonizado por Agustín Fernández Paz que conversará con Óscar Sánchez e Iago Martínez sobre Non hai noite máis longa a súa novela máis recente. Mañá, mércores, Manuel Rivas presentará a súa novela Todo é silencio e Carlos Callón o libro Como defenderes os teus dereitos lingúísticos.